Anaitasunak bihar Zubietan jokatu beharko du Hernaniren aurkako partida. Nahiz eta ezer egon ez jokoan, Anaitasunak lau onenen artean amaitu nahi du denboraldia eta Zubietan aukera polita izango du horretarako. Aurrean sailkapeneko hirugarren sailkatua izango du, gaur-gaurkoz lau puntura dagoena, eta alde hori murriztu eta Hernanirengana gerturatzea du helburu Aitor Iturberen taldeak.
Asteburu gorabehertsua izan zen pasa den jardunaldia. Preferenteek jipoi handia jaso zuten Arrasatera egindako bidaian, Ohorezko kadetee mutilek ere itxura kaskarra eman zuten eta neskak, berriz, ez ziren gai izan Eibar mendean hartzeko. Aipatzekoak Infantil nesken A zein B taldeak etxetik kanpo emandako maila. Intxaurdi eta Arizmendi taldeak erraz hartu zituzten mendean gureek eta garaipen garrantzitsuak eskuratu zituzten.
Anaitasunak pasa den astean Irunen emandako itxura onarekin jarraitu nahi du, eta zaleen aurrean jokatuko dituen bi partidetan lehena irabazi nahi du denboraldia amaiera txukun batekin agurtu nahi baitute. Bihar Txerloian Ordizia izango dute arerio. Anaitasuna bezalaxe bolada kaskarren dira ordiziarrak, azken 24 puntutatik lau bakarrik batu baitituzte.
