Pasa den asteburuan Anaitasunak bolada txarrari amaiera eman zion Txerloian, Lasarteko Ostadar taldea bi eta bat menderatu ostean. Goiko postuak urrun dituen arren, borrokan sartzeko aukera paregabea du Tolosan bihar. Arratsaldeko 16:30etatik aurrera sailkapeneko hirugarren postuan den taldea izango du aurrean. Ez da aurkari samurra izango, historiari so eginez gero lehia gogorrak egin baitituzte.
Asteburuan Anaitasunak bi garaipen batu zituen. Infantil txiki mailakoek Euskaldunaren aurka lortutakoa bata, eta Infantil Neskak A taldeak Añorgan lortutakoa. Preferenteek Zumarragan, Ohorezko kadete mutilek Eibarren, Kadeteen 1go mailako mutilek S.A.N.S.E.ren aurka eta Infantil Neskak B taldeak Urkiren aurka porrota ikusi zuten.
Ostegunean Aretxabaletatik punturik batu gabe itzuli zen etxera Ohorezko mailako taldea. Jada bigarren postura iristea ezinezkoa ez bada oso zail jarri zaio, baina aurrera egin beharrean aurkitzen da Aitor Iturberen taldea. Bederatzi partida gelditzen zaizkio taldeari denboraldia aho zapore onarekin amaitzeko.
