Lan onaren saria Mojategin

Mondragon CF 0
Anaitasuna CD 2

Anaitasunak azken minutuetan birritan zulatu zuen Mondragonen atea. Mikel Pastrian eta Asier Ugarte izan ziren hiru puntuak etxera ekartzeko arduradunak.

Ondo landutako garaipena lortu zuen Anaitasunak, Mojategik. Arrasateren planteamenduak harritu egin zituen gureak, planteamendua defentsiboa izan baitzean. Bere zelaian sartu ziren hasieratik arrasatearrak, eta lerroak zeharo elkartuta aurkitu zituzten gureek. Lehen zatian abiadura eta erritmoa falta izan zituen taldearen jokoak, baina bigarren zatian hobera egin zuten gorrixek eta azken minutuetan lortu zituen garaipena lortzeko bi golak.

Irakurri gehiago

Neskak, etenik gabe

Oiartzun KE 1
Anaitasuna CD 2

Neskek bosgarren garaipena lortu dute jarraian. Partida ona burutu ez duten arren, sufrituta hiru puntu lortzeko gai izan dira gorrixek, Oiartzunen.

Ez dute bolada ona eteterik nahi Euskal Ligako neskek. Oiartzunen aurka balio handiko beste garaipen bat lortu zuen Gorka Zubizarretak zuzentzen duen taldeak. Lehen zatian baloi gehiago izan zuen Anaitasunak, baina atsedenaldira banako emaitzarekin iritsi zen neurketa. Bigarren zatian oiartzuarrak nagusitu ziren berdegunean. Anaitasuna uneoro bere zelaian sartuta izan zuen etxeko taldeak. Ainhoa Galarragaren golak, ordea, garaipena eman zion taldeari. Bost dira Euskal Ligako neskek jarraian lortutako garaipenak. Ez da marka makala.

Irakurri gehiago

Garaipen estua Txerloian

Anaitasuna CD 1
Elgoibar CD 0

Xabi Azkoitiak neurketa amaitzeko ordu erdia falta zela egindako golak hiru puntu garrantzitsu batzeko balio izan zuten, Txerloian.

Ohorezko Maialko mutilek garaipen estua lortu zuten Elgoibarren aurka atzo, zapatua, Txerloian. Neurketa gogorra jokatu zuten Anaitasunak eta Elgoibarrek, eta 60. minutuan lortu zuten gorrixek garaipena lortzeko gola.

Irakurri gehiago

Laugarrena jarraian!

Anaitasuna CD 4
Derio CD 3

Bigarren zatian esnatu zen taldea, eta neurketa iraultzea lortu zuten gorrixek Maiderren eta Ainhoaren golei esker.

Neskek laugarren garaipena lortu dute erreskan. Aurrera Vitoriaren aurka jasotako jipoiak esnatu ditu gorrixek, eta MariƱo, Elorrio, Goierri Gorri eta Derio gainditu dituzte azken lau asteetan. Eguraldiak markatutako neurketa jokatu zuten neskek Derioren aurka. Aste guztian bezala, zapatuan ere eurite handiak egin zituen eta ur asko pilatu zen Txerloiako berdegunean; txingor ekaitz baten ondoren neurketa etenda ere izan zen minutu batzuetan. Atsedenaldira atzetik iritsi ziren gure neskak, baina bigarren zatian suspertu egin zen taldea eta neurketa iraultzeko gai izan zen.

Irakurri gehiago

Erreakzioa, berandu

Beti Gazte KJKE 2
Anaitasuna CD 1

Bigarren zatian hobera egin du taldeak jokamolde aldaketarekin, baina erreakzioa berandu etorri da eta esku hutsik itzuli da Lesakatik

Ohorezko Mailako mutilek liderraren postua galdu dute Lesakan, bi eta bat galdu ondotik. Etxekoek aukera asko sortu dituzte lehen zatian, eta bi asmatuta bi goleko errentarekin iritsi dira aurretik nafarrak atsedenaldira. Bigarren zatian, hobera egin du Anaitasunak, baina gol aukera onak huts egin dituzte, eta Mikel Pastrianen golak ezer gutxirako balio izan du.

Irakurri gehiago