| Salvatierra CD | 5 |
| Anaitasuna CD | 0 |
Atsedenaldirako lau eta huts ziren gure mutilak atzetik Agurainen. Salvatierra gogotsu aritu zen zelaian, eta gure mutilen gainetik pasatu zen taldea.
| Anaitasuna CD | 1 |
| Iurretako | 2 |
Neurketa motela jokatu zuten Anaitasunak eta Iurretako Hirugarren Mailara igotzeko play off partiden lehen jardunaldian. Bizkaitarrek hartu zuten aurrea, Anaitasunak bigarren zatian berdindu zuen gero, baina Iurretakok garaipena lortzeko bigarren gola egin zuen neurketa amaitzeko hamabost minuturen faltan. Berdinketak ekiditeko jaurtitako penaltietan ere Iurretako nagusitu zen.
| Eibar SAD | 3 |
| Anaitasuna CD | 0 |
Hirugarren Mailara itzultzeko beharrezkoa zuen puntua batzerik ez zuen lortu Anaitasunaren Ohorezko Mailako taldeak. Eibarrek atsedenaldirako eman zion belarrondokoa mutien taldeari, eta ez zen gai izan neurketan sartzeko. Horrenbestez, Hirugarren Mailara zuzenean igotzeko aukera galdu du Anaitasunak. Hirugarren Mailara itzultzeko aukerak oso-oso apurrak dira, baina datozen asteetan play off partidak jokatu beharko dituzte.
| Leioako Emakumeak | 3 |
| Anaitasuna CD | 0 |
Joan den zapatuan kaixo eta agur esan behar izan zioten Kopari Euskal Ligako neskek. Leioako Sarriena zelaira egin zuten bisita gure neskak Leioako Emakumeak taldearen aurka jokatzeko eta hiru eta hutsekoak erabaki zuen kanporaketa.
| Anaitasuna CD | 3 |
| Aretxabaleta KE | 0 |
Anaitasunak oxigenoa, indarra eta konfiantza berreskuratu zituen joan den zapatuan Txerloian Aretxabaletari hiru eta huts irabazita. Hasiera hasieratik nabaritu zen taldeak egun ona izango zuela, eta aurretik iritsi zen taldea atsedenaldira Axiren golari esker. Bigarren erdian borobildu zuten festa gorrixek, Axik eta Mikel Aramendik egindako golei esker. Datorren zapatuan, maiatzak 25, Eibarren jokatuko dute mutilek, eta puntu bat nahikoa izango du bigarren postua ziurtatzeko.
