Lehen zati dotorea egin ostean 3-0 aurreratu ziren Mikerl Arregi eta German Zabaletaren mutilak, baina bigarrenean gasteiztarrak etxekoak baino hobeto atera ziren zelaira eta partida berdintzea lortu zuten. Zaramagak hirugarren gola egin eta berehala, ordea, Anaitasunak garaipenaren gola egin zuen.
Ohorezko mailako taldeak bihar arratsaldeko 15:30etatik aurrera 21. jardunaldian atzeratutako partidari egin beharko dio aurre. Txerloiako futbol zelaian Errenteriako Touring taldea hartuko du, sailkapeneko zortzigarrena. Errenteriarrek Anaitasunak dituen baino bost puntu gutxiago ditu, 40 hain zuzen.
Pasa den asteburuak denetarik ekarri du Anaitasunarentzat. Lau garaipen (Ohorezko kadete mutilek eta neskek, Kadeteen 1go mailakoek eta Infantilen 1go mailakoek), hiru berdinketa (Infantil neskak A eta bi alebin taldeek) eta lau porrot (Preferenteek, Jubenil Nazional mailakoek, Infantil Txiki eta Infantil nesken B taldeak).
