Anaitasunak denboraldiko etxeko azken partida jokatuko du larunbatean bizia jokatzen ari den Hondarribiaren aurka. Jaitsiera postuak bi puntura baino ez dituzte hondarribiarrek eta bihar Txerloian punturen batzea beharrezkoa izango dute Ohorezko mailan jarraitzeko borrokan jarraitu nahi badute. Anaitasunak jokoan ezer ez duen arren, lehen taldeko kide batzuk azken aldiz jokatuko dute Txerloian.
Harrobiko taldeek jokatutako bederatzi partidetatik hiru garaipen batu dira soilik, baina ez edonolakoak. Infantilen 1go mailako mutilek Zestoa menderatu ostean multzoko lidertza ziurtatu dute eta Kopa lortzeko azken partidei ekingo diete. Infantil nesken A taldeak Txerloian Añorga B taldea menpean hartu ostean, asteburuan izango den finalaurrekorako txartela lortu zuen. Errendimenduko alebinek ere denboraldia garaipen batekin agurtu zuten.
C.D. Anaitasunaren babesle den Izpi Optikak eskaintza berri bat jarri du martxan. Gainontzeko babesle eta laguntzaileek egindako promozioen ostean eta uda gainean dugula aprobetxatuz Anaitasunako jokalari eta berauen gurasoentzako deskontu bereziak martxan jartzea erabaki du Izpi Optikak ere.
