Sailkapeneko lehenari egingo dio bisita bihar Anaitasunak, Ondarroako Aurrerari hain zuzen. Aretxabaletan porrota jaso zutenetik sei garaipen daramatzate bizkaitarrek jarraian eta Anaitasuna bolada on hori mozten saiatuko da bihar arratsaldeko 16:30etatik aurrera Zaldupen jokatuko den jardunaldiko partidarik berezienean.
Bost garaipen, bost porrot eta berdinketa bat Anaitasunak pasa den asteburuan. Kadete eta infantil mailen artean lortu ziren bost garaipenak eta porrotik mingarrienak beharrik handiena duten taldeek jaso zituzten, Preferenteek eta jubenilek .
Txerloian Zarautz izango du aurrean igandean Ohorezko Mailako taldeak. Neurketa gogorrak eginak dira bi talde hauek historian zehar. Gaur ordea oso egoera desberdinean dira. Gureak igoera postuei begira diren bitartean, Zarautz jaitsiera postuetatik aldendu nahian ari da azkenaldian. Zarautzen 1-1 berdindu zuten baina orduko Anaitasuna eta gaurkoa oso desberdinak dira.
