| Anaitasuna CD | 1 |
| Leioako Emakumeak | 3 |
Anaitasunak ez zuen denboraldia etxean nahi bezala agurtzerik lortu. Bat eta hiru galdu zuten Leioako Emakumeak sailkapeneko hirugarren sailkatuaren aurka. Huts eta hiru atzetik joan ostean Maider Badiola taldeko golegileak lortu zuen markagailua itxuratzeko gola.
| Bergara KE | 1 |
| Anaitasuna CD | 0 |
Anaitasunak lotuta jarraitzen du. Ezin izan zuen Bergaran bi asteko trabatzea askatu eta denboraldiko zortzigarren porrota jaso zuen, Agorrosin zelaian. Lehen zatia bigarrena baino hobea izan zen Anaitasunaren partetik baina gorrixek ez zuten aurrea hartzeko golik egiterik lortu eta etxekoek bigarren zatia hasi bezain laster lortu zuten Anaitasunari neurketa maldan gora jartzeko gola.
| Barakaldo CF | 2 |
| Anaitasuna CD | 4 |
Anaitasunak garaipena lortu du Barakaldoko La Siebe zelaian. Liga amaitzeko hiru jardunaldiren faltan da Emakumezkoen Euskal Liga, eta azken bost jardunaldietan lortu gabe zen garaipena lortu zuten. Taldea oso eraginkor aritu zen lehen zatian, eta lau aldiz zulatu zuen bizkaitarren atea. Barakaldok kolpatuta amaitu zuen lehen zatia, eta gorrixek ez zieten bigarren zatian neurketan sartzeko aukerarik eman. Anaitasunak kontraerasoan gol gehiago egiteko aukerak izan zituen bigarren zatian, baina azken metroetan ez zituzten erabaki onak hartu.
| Anaitasuna CD | 0 |
| Hondarribia FE | 0 |
Abiadura falta izan zaio Anaitasunari lehen zatian, eta egoera neurketa hankaz gora jartzeko gutxi falta izan zaio. Hondarribiak aurrea hartzeko aukerak izan ditu, baina Anaitasunak ere izan ditu garbiak. Atea zulatzea bigarren zatirako utzi dute Anaitasunak eta Hondarribiak, baina ez dute lortu. Hondarribiak sendo defendatu de bere atea, eta Anaitasuna ez da gai izan izan dituen aukera garbiak aprobetxatzeko.
| Pauldarrak EFKT | 3 |
| Anaitasuna CD | 1 |
Euskal Ligako neskek galdu egin zuten Barakaldoko Serralta zelaian. Herenegun, igandea, jokatu zuten Pauldarrak taldearen Serralta zelaian, eta ez zuten euren futbola egiteko espaziorik aurkitu gure neskek. Estu hartu zituzten gure neskak bizkaitarrek eta bigarren zatian hautsi zuten markagailuko oreka. Jokoan gehiago izan zen Pauldarrak, eta gureek bi gol inozo jasota, punturik gabe itzuli behar izan zuten Azkoitira.
