Jardunaldien kronikak

Porrot gogorra etxean

Anaitasuna CD 3
Goierri Gorri 5

Binakoaren ondoren goierriarrek lau minutuan erabaki zuten San Juango neurketa

Elorrion gertatu bezala, Goierri Gorri taldearen aurka ere markagailuren eta aurkariaren aurka jokatu behar izan dute gorrixek. Taldeak ez zuen lortu jokamolde berrian nahi bezala aritzerik. Bisitariek, berriz, argi ekarri zuten zein zen egin behar zuten jokoa, eta gure nesken atzeko lerroaren bizkarrera jokatuz min handia egin zuten. Hiru eta laukoarekin punturen bat batzeko esperantza zabaldu bazen ere, bi minutura desagerrarazi zituen Goierri Gorrik gureen asmoak.

Irakurri gehiago

Bolada ona luzatu dute mutilek Elgoibarren

Elgoibar 0
Anaitasuna CD 2

Anaitasunak beste hiru puntu batu ditu, oraingoan Elgoibarko Mintxetan. Mikel Arzalluz eta Jon Letamendia izan dira neurketako golegileak

Duela bi denboraldi egin bezala, Anaitasunak huts eta bi irabazi du, Elgoibarko Mintxeta zelaian. Lehen zatiko minuturik gehienetan nagusi izan da taldea, baina neurketa bigarren zatiko azken ordu erdian erabaki dute mutilek. Bigarren zatian Elgoibarrek pare bat ezusteko eman dizkio Anaitasunari, baina Remen atezainaren geldituek eta 66. minutuan eta 93. minutuan gureek egindako golek denboraldiko laugarren garaipena lortzeko balio izan dute.

Irakurri gehiago

Merezi ez zuten porrota jaso dute neskek Elorrion

Elorrio 3
Anaitasuna CD 2

Markagailuan atzetik jardun behar izan zuten uneoro neskek, eta denboraldiko bigarren porrota jaso dute

Partida gogorra eta serioa jokatu zuten Elorriok eta Anaitasunak, Elorrioko Eleizalde Futbol Zelaian. Penalti bidez hartu zuten aurrea etxekoek, baina atsedenaldira iritsi aurretik gorrixek neurketa berdintzeko gai izan ziren. Atsedenalditik bueltan, Anaitasuna ondoen ari zenean, Elorriok bi eta batekoa egin zuen eta gol horrek gure neskei gauzak asko zaildu zizkien. Halere, berehala lortu zuten binakoa egitea hamaika metrotatik. Gureen hutsegite bat bikain baliatu, azken minutuetan lortu zuen Elorrioko taldeak garaipenaren gola.

Irakurri gehiago

Hirutik hiru!

Anaitasuna CD 2
Beti Gazte 1

Beti Gaztek egindako hasierako gola iraulita, Anaitasunak denboraldiko hirugarren garaipena lortu du

Anaitasunak denboraldiko hirugarren garaipena lortu zuen, atzo, Beti Gazte talde nafarraren aurka. Gauzak zail jarri zizkion Lesakako taldeak Xabier Artetxeren taldeari. Beti Gazteren aurka hiru puntuak lortzeko egin zuen jokoa disdiratsua izan ez arren, hirugarren garaipena lortu du taldeak jokatutako hirugarren partidan. Erabat atzean sartuta, kontraerasoen zain ziren Beti Gazteko bi aurrelari biziak. Gureek beren atean egin zuten gola hasi eta minutu gutxira, baina atsedenaldira iritsi aurretik Xabi Soraluzek banakoa egin zuen. Aldageletatik bueltan, segituan lortu zuen Ander Pastrianek Anaitasunari garaipena emango zion gola.

Irakurri gehiago

Seriotasunaren hiru puntu Añorgan

Añorga 1
Anaitasuna CD 2

90 minutu serio egin ditu Anaitasunak Añorgako Rezola zelaian, eta denboraldiko bigarren garaipena poltsikoratu du

Anaitasunak merezitako garaipena lortu zuen Añorgako Rezola zelaian. Hasiera-hasieratik serio eta zuzen aritu ziren Xabier Artetxeren mutilak, eta lan eskergak denboraldiko bigarren garaipena lortzeko balio izan die gorrixei. Ion Izagirrek lehen zatian eta Jon Letamendiak bigarrenean egin zituzten Anaitasunaren aldeko golak. Añorgak, berriz, luzapeneko azken hatsean lortu zuen bat eta bikoaren gola. Beste ezertarako betarik ez zen izan Rezolan.

Irakurri gehiago