Jardunaldien kronikak

Garaipen itzela Zamudion

Zamudio 1
Anaitasuna CD 4

Anaitasuna oso eraginkorra izan zen azken metroetan, eta denboraldiko bosgarren garaipena lortu zuen Zamudion

Hirugarren Mailako taldeak balio handiko hiru puntu bereganatu zituen Zamudioko Gazituaga zelaian. Aukerei dagokionean lehen zati parekatua egin zuten Zamudiok eta gorrixek, baina gureek hartu zuten aurrea. Ez zen askorako izan, laster egin baitzuten banakoa etxekoek. Atsedenaldira bitartean apur bat sufritu egin zuten mutilek, baina aldageletatik bueltan segituan hartu zuten berriz mutilek aurrea. Gerora, azkoitiarrek izan zuten aukera bakoitzean, baloiak ate barruan amaitu zuen. Gol sorta ederra, eta hiru puntu handi gureentzat.

Irakurri gehiago

Esku hutsik arerio zuzen baten aurrean

Anaitasuna CD 0
Amurrio 1

Anaitasunak porrot mingarria jaso du sailkapenean zuzena zen Amurrioren aurka, eta Mikel Arzalluzek zelaia utzi zuen belaunean min hartuta

Gorrixek ez zuten lortu joan den zapatuan Amurrioren aurka punturik. Sodupen hasitako bolada onari jarraipena ematera zelairatu ziren mutilak arabarren aurka, baina atsedenaldira iritsi aurretik penalti bidez gola eginda, garaipenaren gola lortu zuen Amurriok. Bigarren zatiko aukerarik onenak gure mutilenak izan baldin baziren ere, beste behin zortea ez zuten lagun izan. Egoera zailduz doa, Amurriok bederatzi puntura ihes egin baitu.

Irakurri gehiago

Mailari eusteko borrokak bizirik dirau

Sodupe 0
Anaitasuna CD 1

Julen Iriartek neurketa amaitu baino zazpi minutu lehenago egindako golak, garaipena eman dio Anaitasunari Sodupeko Hurtado de Saratxo zelaian

Anaitasunak merezitako garaipena lortu du Sodupen. Lehen zatia estua eta borrokatua izan bada ere, bigarren zatian neurketa erabat ireki da, eta Anaitasunak ondo baliatu ditu bere armak hamaika bider Soduperen area zapaldu eta arriskua sortzeko. Aukera ugari izan dituzte gorrixek, eta 83. minutuan merezitako gola lortu du Julen Iriartek Anaitasunarentzat. Hurtado de Saratxo zelaian lortutako garaipenari esker, Anaitasunak 26 puntu ditu, eta mailari eusteko borrokan bete-betean sartu da.

Irakurri gehiago

Puntu banaketa derbian

Anaitasuna CD 0
Lagun Onak 0

Bi taldeek izan zituzten markagailuan aurrea hartzeko aukerak, baina Anaitasunak eta Lagun Onakek puntu bana banatu zuten partida estu batean

Ez Anaitasunak eta ez Lagun Onakek ez zuten lortu aurkariaren atea zulatzerik, eta ondorioz gorrixek eta azpeitiarrek ez zuten lortu asetzerik euren jarraitzaileek sortutako itxaropena. Lagun Onakek agindu zuen lehen minutuetan, baina Anaitasunak aurkariari neurria hartu bezain pronto orekatu zuen partida. Bigarren zatian gure mutilak indartsu zelairatu ziren, eta Lagun Onak bere zelaian estu eta larri izan bazen ere, azpeitiarrek partida parekatu egin zuten neurketaren amaiera aldera.

Irakurri gehiago

Suspertzeko betarik ez Portugaleten

Portugalete 3
Anaitasuna CD 1

Anaitasunak ezin izan ditu Portugaletek lehen zatian lortutako bi golak irauli, eta porrota jaso du La Florida zelaian

Anaitasuna ez da gai izan Portugaleteko La Florida zelaitik punturik ekartzeko. Goizo jarri zaie gorrixei partida maldan gora, hirugarren minutuan lehen gola, eta ordu laurdena bete denean bigarrena jasota. Halere, gure mutilek gorputzaldi ona erakutsi dute markagailua aurka izan arren, eta Markelek bi eta batekoaren gola egitea lortu du. Atsedenalditik bueltan taldea sendo zelairatu den arren, penalti bidez etxekoek lortu duten hiru eta batekoarekin amaitu zaie gureei partida.

Irakurri gehiago