Ohorezko mailako taldeak datorren astelehenean, abuztuaren 3an ekingo dio 2015/16 denboraldia prestatzeari, Igor Quindos (entrenatzailea), Borja Rocha (2. entrenatzailea) eta Xabier Artetxek (prestatzaile fisikoa) osatutako entrenatzaile talde berriaren aginduetara.
Jose Luis Ribera Valladolidera joango da Gaizka Garitanorekin batera. C.D. Anaitasunaren Ohorezko mailako taldea zuzentzeko ardura hartu zuen udan. Ilusio handiz hartu zuen herriko taldea gidatzeko kargua, baina Valladolidetik iritsitako eskaintzari ezin izan dio ezetz esan eta Bigarren mailako talde honetan arituko da datorren denboraldian.
Liga txapelketa irailean hasiko da eta C.D. Anaitasunak jada erabakita ditu aurredenboraldian jokatu beharreko partidak. Denera sei partida jokatuko dituzte Igor Quindos entrenatzaile berriaren aginduetara. Horietatik lau abuztuan izango dira eta azkeneko biak iraileko lehen asteburuan, Liga hasi baino astebete lehenago.
