Anaitasunak kostaldera egingo du bidaia bihar. Mutrikuren aurka neurtuko dituzte indarrak Igor Quindosen mutilek, sailkapenean goiko postuetan, Anaitasuna baino puntu bat gutxiagorekin eta postu bat atzetik dagoen taldearen aurka, alegia.
Jubenil eta Kadete neskek lortutako garaipenek harrobiaren asteburu gaziari gozotik eman zioten. Jubenilen mutilei azken unean partida berdindu zieten. Ohorezko kadete mutilek, berriz, azken unean hiru puntu lortzetik ezer gabe bueltatu ziren Bergaratik. Kadeteen 1go mailako mutilek punturik batu gabe jarraitzen dute Infantil Txikiek bezala, eta Ohorezko infantil mutilek partida serioa eginda puntu bat lortu zuten.
Ligako bosgarren jardunaldiko neurketa izango du bihar Anaitasunak Txerloian arratsaldeko 16:30etatik aurrera. Azken hiru neurketak jarraian irabazi ostean, goiko postuetan kokatu da eta hor jarraitu nahi du taldeak ahalik eta denbora gehien. Bihar Andoaingo Euskalduna taldea jasoko du eta Anaitasunak bezalaxe 10 puntu batzea lortu du mailara igo berri den talde honek.
