Ohorezko Mailako mutilek bihar arratsaldeko 17:00etatik aurrera sekulako boladan sartuta den Oiartzun jasoko dute Txerloian. Jokoan zeuden azken 30 puntuetatik 26 batzea lortu dute oiartzuarrek eta ondorioz beheko postuak atzean utzi eta zazpigarren postuan kokatu da.
Pasa den asteburuan Anaitasunaren harrobiko zazpi taldek jokatu zituzten neurketak, Jubenil Neskek atseden jardunaldia baitzuten. Zazpi neurketa horietatik Ohorezko Kadeteetako bi taldeak izan ziren hiru puntuak batzea lortu zituztenak.
RG Goalkeeper Gloves etxeak atezainentzako kampusa antolatu du martxoaren amaieran. Zumarragako Argixao futbol zelaian egingo da kampusa eta bi mailatan banatuko dira atezainak. Lehen orduak infantil mailakoentzat izango dira, eta gainerakoak hortik gora dauden atezainentzat.
