Anaitasunak akordio bat lortu du Rural Kutxarekin beste urtebetez klubaren kolaboratzailea izateko. Akordio honi esker, Rural Kutxak herriko jokalariei Anaitasunako motxila ofiziala lortzeko aukera luzatu die.Bizkar-zorroak formatu berria izango du aurreko urtekoarekin alderatuta.
Anaitasunako taldeek Gabonetako Txapelketa desberdinetan hartuko dute parte. Goiztiarrenak alebinak izango dira. Ohikoa den bezala, Realak antolatzen duen Gabonetako Alebin Txapelketan hartuko dute Gipuzkoako talde gehienek eta Anaitasunako mutilak ere han izango dira. J Multzoan egokitu dira Anaitasunakoak Hernani, Arrasate, Trintxerpe eta Behobiarekin batera, eta 16:45ean ekingo diote txapelketari Zubietako Z5 zelaian. Sailkapena lortuko balute, hurrengo egunean, asteazkenean itzuli beharko dute Zubietako instalazioetara.
Anaitasunak biharko partidan du burua. Hernani hartuko dute Iturberen mutilek eta beste urrats bat emateko aukera paregabea dute. Aurrean, Anaitasunak bezala 22 puntu dituen Hernani izango dute.
