Aitor Iturbek zuzentzen duen Ohorezko Mailako taldeak gaur amaitu du asteko lan saioa. San Juango instalazioetan burutu duten entrenamenduaren ostean ezagutu da Ordiziaren aurka jokatzeko entrenatzaileak osatu duen zerrenda. Aurreko asteko deialditik bi aldaketa daude. Godoy eta Oier Beitia sartu dira deialdian Iker Pastrian eta Alex Altolagirreren lekuan.
Sasoiko Ongizate Zentroak Gabonetarako Futbol Kanpusa antolatu du Anaitasunaren laguntzarekin. Hirugarren mailan ikasten ari diren neska mutil orori dago zuzenduta, hau da, 8-9 urte bitartekoentzat.
Datorkigun asteburuan futbol partida ugariz gozatzeko aukera izango da Azkoitian. Larunbatean, maila desberdinetako lau partida jokatuko dira San Juango futbol zelaian. Igandean, berriz, Anaitasunaren multzoan dauden Alebin Mailako taldeak elkartuko dira. Honez gain, bi lagunarteko ere izango dira.
