| Anaitasuna CD | 1 |
| Beti Gazte | 3 |
Nagusi izan zen Igor Quindosen taldea jokoari dagokionean, baina ez zen gai izan Beti Gazte menderatzeko. Defentsara mugatutako jokoa egin zuten bisitariek Txerloian eta kontraerasoan harrapatu zituzten gureak, hiru gol egin eta jokoan zeuden hiru puntuak Lesakara eramateko.
| Elgoibar | 1 |
| Anaitasuna CD | 4 |
Garaipen bikaina lortu zuen Ohorezko Mailako taldeak Mintxetako Futbol zelaian. Partida espero baino erosoagoa izan zen taldearentzat, 33. minuturako huts eta hiru baitziren aurretik Igor Quindosen mutilak. Aurkariaren areara iristeko erraztasun handia aurkitu zuten gureek eta behin area barruraino iritsita eraginkortasun handiarekin amaitu zituzten jokaldiak.
| Anaitasuna CD | 0 |
| Aloña Mendi | 0 |
Hasiera ona eman zion Quindosen taldeak neurketari, baina minutuek aurrera egin ahala, lo-zorroan zegoen Aloña Mendik aurpegia eman zuen Txerloian. Gauzak zail jarri zizkien gureei eta ezustekoa emateko gai ere izan ziren lehen zatian. Bigarren zatian ere Anaitasuna izan zen jokoaren norabidea aurrera eraman zuena, eta aukera garbiak ere izan zituzten aurretik jartzeko, baina oñatiarren atezainarekin egin zuten topo.
| Martutene | 1 |
| Anaitasuna CD | 2 |
Bi zati eta biak desberdinak egin zituen taldeak. Lehen zatian oin onarekin zelairatu zen taldea eta partidaren agintea eta kontrola hartzeaz gain, aukerak sortu zituen taldeak. Lehen zatian neurketa erabakita uzteko aukerak izan zituen Quindosen taldeak, baina etxeko taldea bigarren zatian oldartu egin zen eta hortzak erakutsi zituen. Gogotik sufritu zuten gureek azken minutuetan.
| Anaitasuna CD | 2 |
| Real Union | 1 |
Aurkari arriskutsu baten aurka neurtu zituen indarrak Anaitasunako Ohorezko Mailako taldeak larunbat arratsaldean. Orain arteko aurkari gehienak ez bezala, ez zieten baloia lasaitasunez jokatzen utzi eta goitik hasten zuten presioak estu hartu zuen Anaitasuna.
