Jardunaldien kronikak

Anaitasunak gol sortarekin agurtu du Txerloia

Anaitasuna CD 6
C.D. El Pilar Marianistas 0

Pasa den larunbatean gasteiztarren aurka lortutako emaitzarekin, Igor Quindosen taldeak Arrigorriagan berdinketa lortzea nahikoa izango du Hirugarren Mailarako Igoera Fasea irabazteko.

Goitik behera nagusitu ziren gure mutilak C.D. El Pilar Marianistasen aurka. Lehen gola egiteko orduerdia baino gehiago behar izan zuten gorrixek, baina behin lehena lortuta atsedenaldiraren aurretik erreskan egin zituzten hiru Igoera Faseko lehen neurketa erabakita uzteko. Gasteiztarrek ia ez zioten lanik eman Xuban atezainari, gol aukera bakarra eduki baitzuten neurketa guztian zehar.

Irakurri gehiago

Ametsa ez da egia bihurtu, oraindik

Hondarribia 1
Anaitasuna CD 1

Beñat Landak buruz egindako golak Hondartza zelaian eta herrian ilusioa sortu zuen arren, lehen zati txar batek zuzeneko igoerarik gabe utzi zuen Anaitasuna

Ez zen ez herriak, ez zaleek, ez klubak, ez jokalariek merezi zutena eman Hondarrabian, baina gertatu egin zen. Bestelako amaiera bat zegoen marraztuta denon buruetan, baina herritik etorritako zaleek gorriz koloreztatu zuten eguna zuri-beltzean amaitu zen. Ez zen aurtengo denboraldiko Anaitasuna izan. Lehen zatian lotuta, urduri, presaka... Gauzak ez zituen ondo egin eta intentsitate handiz jokatu zuen Hondarribiak gureen ezina baliatu zuen atsedenaldira aurretik joateko. Bigarren erdian baloi gehiago izan zuen Igor Quindosen taldeak, nortasun eta izaera handiagoarekin jokatu zuen eta Landak lortutako golarekin Hirugarren Maila ukitzeko zorian izan ziren arren, ez zen hainbeste desiotako gola iritsi.

Irakurri gehiago

Hondarribian erabakiko da igoera

Anaitasuna CD 6
Orioko 0

Lehen zati motela egin arren, gure mutilek momentu garrantzitsuetan egin zituzten golak eta bigarren zatian joko ona erakutsi eta golak egin zituzten

Egun berezia izan zen atzo Txerloian. 16 urte eta gero Asti atezainak Anaitasunako kamiseta azkenekoz jantzi zuen etxean. Ez zuen nahi bezala agurtzerik izan, neurketa aurreko beroketan behatz txikia bere lekutik atera baitzuen. Ondorioz, neurketako lehen minutua bete zuen Anaitasunako atea defendatzen eta ondoren Txerloiako harmailetan batu zirenen eta Hooliganen txalo artean agurtu zen herritarren aurrean Xubani lekukoa eman eta gero. Nahiz eta Astik ez zituen nahi adina minutu jokatu, taldekideek eta lagunek oroimenean gordetzeko moduko neurketa eskaini zioten.

Irakurri gehiago

Baliagarria izan daiteke

Beti Gazte 0
Anaitasuna CD 0

Irabazteko merituak egin zituen Igor Quindosen taldeak, baina azken segundoan etxekoek hiru puntuak eramateko sekulako aukera alferrik galdu zuten

Ondo sartu zen Anaitasuna Lesakako Mastegi zelaira eta Beti Gazte baino gehiago izan zen bai jokoari eta bai aukerei dagokionez ere, baina atzokoan baloiak sareetara sartu nahi ez duen egun horietakoa izan zen. Etxekoen atezainak egin zuen lana ere benetan aipagarria izan zen. Lehen zatia amaitu aurretik asko orekatu zen neurketa, baina bigarren zatian berriz ere ondo hasi ziren gure mutilak eta bost aukera egin zituzten markagailuan aurrea hartzeko. Gureek asmatu ez eta neurketa amaitzeko azken minutuan sartuta zela, lesakarrek garaipena lortzeko aukera garbia eduki zuten aldaratze bat tarteko. Xubanen aurrean bakarrik gelditu zen etxeko jokalari bat, baina jaurtiketa gehiegi gurutzatu zuen eta Anaitasunari Hirugarren Mailarako borrokan bizirik jarraitzeko baimena eman zieten lesakarrek.

Irakurri gehiago

Anaitasunak ez du etsiko

Anaitasuna CD 2
Elgoibar 0

Elgoibarrek markagailuan aurrea hartzeko aukera izan zuen penalti bidez, baina Xubanen oin luzeek bisitarien gola ekidin zuten. Beste aldean, Mikel Arzalluzen golak abantaila eman zion Anaitasunari atsedenaldiaren aurretik

Erasokor hasi zuen neurketa taldeak, Oñatin galdutako puntuak etxean lortzeko amorru biziz, eta lehen minutuetan aukera asko sortu zituen Igor Quindosen taldeak. Atsedenaldira iritsi aurretik Elgoibarrek penaltia izan zuen alde, baina Xuban atezainaren oin luzeek atearen erdi-erdira egindako jaurtiketa gelditzea lortu zuten. Minutu gutxi barru, berriz, Anaitasunak aurrea hartu zuen. Area ertzeko falta jaurtiketan Aramendik zutoinera bidali zuen baloia, baina aldaratzea Mikel Arzalluzek jaso zuen Anaitasuna aurretik jartzeko. Bigarren zatian, Mendizabal zelairatu zen Mikel Arzalluzen ordez eta 55. minutuan lurretik bi eta hutsekoa egin zuen. Golaren ostean asko erlaxatu zen Anaitasuna, baina ez zuen gehiegi sufritu taldeak, nahiz eta aurkariek zutoina jo zuten jokaldi batean.

Irakurri gehiago