Jardunaldien kronikak

Indarberrituta irten da Anaitasuna Michelindik

Ostadar 0
Anaitasuna CD 5

Goitik behera nagusitu zen Quindosen taldea Lasarten eta neurketa ona burutu ostean bigarren postuari lotuta jarraitzen du

Atsedenaldian aldageletarako bidea hartu aurretik erabakita utzi zuen Anaitasunak neurketa Michelingo Futbol Zelaian. Huts eta hiruko emaitzarekin eta itxura benetan bikaina emanez agertu ziren gure mutilak Lasarten eta Ostadar ezereztatu zuten. Lehen zatian Markelek birritan eta Iñigo Arzalluzek penalti bidez egindako golek lasaitasun handia eman zien gureei bigarren zatira begira eta baloiarekin jokatzerako orduan.

Irakurri gehiago

Anaitasunari azken jokaldian ihes egin zion garaipenak

Hernani 1
Anaitasuna CD 1

Partida txarra burutu zuten Quindosen mutilek, eta gainera azken unean geldikako jokaldi batean jasotako golak gorputzaldi txarrarekin utzi zituen gureak

Azken segunduan, azken jokaldian, luzapeneko bosgarren minutuan, 95. minutuan egin zuen Hernanik berdinketaren gola. Partidan zehar ikusitakoagatik berdinketa justua izan zen, eta bereziki bigarren zatian Hernanik erakutsitako jokoagatik hiru puntuak Zubipen gelditu izan balira ere ez litzateke harrigarria izango. Azken jokaldian bi puntuk ihes egin izana kolpe handia izan zen, ordea, gure mutilentzat.

Irakurri gehiago

Erreakziorik ez Txerloian

Anaitasuna CD 0
Touring 0

Neurketa tristea burutu zuten bi taldeek. Nahiz eta bigarren zatian, penalti bat tarteko, irabaztetik gertu egon zen taldea, ez zen hamar gizonen aurka neurketa aurrera ateratzeko gai izan

Partida iluna izan zen larunbat arratsaldean Txerloian jokatutakoa. Aukera garbirik gabeko neurketa izan zen, baina errenteriarrek tarteka izua sortu zuten Txerloian. Atzean batu eta kontraerasora irteten ziren maiz, eta behin baino gehiagotan harrapatu zituzten gureak. Bestaldean, gureek ez zuten egunik onena izan eta baloiarekin ere ez zuten besteetako dizdirarik erakutsi. Neurketa amaitzeko hogei minuturen faltan, Anaitasunaren aldeko falta adierazi zuen epaileak area barruan eta falta horretan bertan galdu zuen Touringek jokalari bat. Penaltia izan zuten alde gure mutilek, baina ez zuten jaurtiketa baliatzerik lortu.

Irakurri gehiago

Hondarribiaren aurka ere ezin etxean

Anaitasuna CD 1
Hondarribia 1

Anaitasunari zaila egin zitzaion lehen zatia, baina bigarrenean Hondarribia baino gehiago izan zen eta garaipena lortzeko moduko aukerak egin zituzten gure mutilek

Anaitasunak etxean du arazoa eta atzoko neurketan ere garbi gelditu zen. Neurketa zaila aurreikusten zen hondarribiarren aurkakoa, oso talde gogorra delako alde batetik, eta besetik Liga Txapelketan egiten ari den ibilbidea gero eta hobeagoa delako. Neurketa estuak planteatzen dituzte hondarribiarrek eta Txerloian ikusitakoa ere halaxe izan zen. Lehen zatiaren amaieran aurreratu ziren bisitariak, Xubanen area inguruan baloia ostu eta jokaldia azkar amaituz. Bigarren zatia, ordea, desberdina izan zen eta gureak aurkariaren atera erraztasun handiarekin iritsi ziren. Zoritxarrez gol bakarra egitea lortu zuten.

Irakurri gehiago

Gol zaparradarekin agurtu du urtea Ohorezko Mailako taldeak

Orioko 1
Anaitasuna CD 5

Hasierako minutuak tentsio handikoak izan ziren arren, gureen lehen goletik aurrera erabateko kontrola edukitzea lortu zuen taldeak eta ondorioz bost gol egitea lortu zuen

Garaipen zabala lortu zuen Ohorezko Mailako taldeak Orioko Mendibeltz futbol zelaian eta etxean egindako okerrak zuzentzea lortu du beste behin Txerloiatik urrun. Etxeko taldea sendo zelairatu zen hasierako minutuetan, baina Anaitasunak ez zuen arazorik izan baloia bereganatzeko orduan eta Ander Arabaolazaren erabaki onei esker hiru puntu garrantzitsu batzea eskuratu zuen, hiru gol egiteaz gain, Aramendiri gola oparitu baitzion.

Irakurri gehiago