Beasainentzat XIX. Andra Mari Saria

Anaitasuna CD 1
Beasain 2

Anaitasunak aurpegia eman zuen Hirugarren Mailako talde sendoenetarikoaren aurrean

Aurkari sendoa aurkitu zuen Anaitasuna atzo arratsaldean Txerloian. Beasaindarrak goiz aurreratu ziren geldikako jokaldi bat baliatuz, baina Anaitasuna behetik gora joan zen eta une batzuetan beasaindarrak baino hobeto aritu zen. Ioannes Garatek banakoa ezarri zuen, baina bigarren zatiaren hasieran Beasainek Xabier Sagarzazuren omenezko XIX. Andra Mari Saria eraman zuen.

Irakurri gehiago

Berdinketa Aretxabaletan

Aretxabaleta 1
Anaitasuna CD 1

Bigarren zatia hasi eta berehala berdindu du Anaitasunak, Ander Arabaolazak egindako golari esker

Anaitasunak bana berdindu du Aretxabaletara egindako bidaian. Ohorezko mailaren denboraldi aurre honetako lehen neukerta zen, eta aurrean aurten Hirugarren Mailan lehiatuko den Aretxabaleta zuen. Etxekoek gureek baino denbora gehiago zeramaten lanean eta bereziki lehen zatian nabarmendu da bi taldeen arteko aldea. Bigarrenean gureak indartsu irten dira eta lehen minutua betetzerako berdindu dute partida.

Irakurri gehiago

Porrotarekin agurtu du denboraldia Anaitasunak

Beti Gazte 3
Anaitasuna CD 1

Anaitasunak ez zuen denboraldia garaipen batekin agurtzerik izan, bigarren zatian goitik behera menperatu baitzuten etxekoek partida

Amaitu da 2014/15 denboraldia. Ez da nahi bezalakoa izan. Hasieran makal hasi ziren, baina erdi aldera izandako bolada onak ez zuen behar besteko jarraipenik izan, eta denboraldia bosgarren postuan amaitu dute gureek. Atzokoa denboraldi honetako partiden erakusgai garbia izan zen. Hasieran partida lortzeko hautagai serio bezala agertu ziren, etxekoak baino gehiago zirela erakutsiz, baina denborak aurrera egin ahala nafarrek neurria hartu zieten gureei eta azken partida irabaztea lortu zuten.

Irakurri gehiago

Etxeko azken partida irabazi du Anaitasunak

Anaitasuna CD 3
Hondarribia 0

Txerloian Anaitasunaren elastikoa azken aldiz janzten zuen Iraitz Kortak gola egin zuen zelairatu eta minutu gutxira

Anaitasunak garaipena lortu zuen denboraldiko etxeko azken partidan. Lehen zati grisa egin zuten bi taldeek, ez baitzuten behar besteko arriskurik hartu eta hutsean joan zen neurketa atsedenaldira. Bigarrenean, ordea, gauzak aldatu egin ziren. Kanpokoek aurrera egin zutenean, Anaitasunak une hori baliatu zuen partida erabakitzeko.

Irakurri gehiago