Jardunaldien kronikak

Azkenera arte borrokatu beharko du Anaitasunak igoera lortzeko

Aloña Mendi 1
Anaitasuna CD 0

Etxekoek korner jokaldi batean egindako gol goiztiarrari erantzuteko zailtasunak aurkitu zituzten uneoro gureek eta punturik gabe itzuli ziren Oñatiko Azkoagain futbol zelaitik

Zortzigarren minutuan egin zuten gola oñatiarrek eta Anaitasunarentzat nahia eta ezina bihurtu zen Oñatiko neurketa. Baloiarekin ideia askorik gabe jardun zuten gureek lehen zatian, baina bigarrenean gauzak aldatu eta goitik behera nagusitu ziren berdegunean. Aukerak sortzea, baina, asko kostatu zitzaien Igor Quindosen mutilei eta ondorioz denboraldiko bosgarren porrota jaso zuten.

Irakurri gehiago

Lider jarraitzeko garaipena

Anaitasuna CD 2
Martutene 1

Anderrek egindako bi golek Ohorezko Mailan lider jarraitzeko baimena eman zioten Anaitasunari

Atzetik dituen aurkarien garaipenak ezagututa zelairatu zen Anaitasuna Txerloiako berdegunera, baina Anaitasunak garesti du bere postua, beste hiru puntu batu eta Liga amaitzeko neurketa bat gutxiagorekin lider jarraitzen baitute Igor Quindosen mutilek. Erritmo moteleko neurketa izan zen, bereziki lehen zatian, eta taldeari asko kostatu zitzaion ohikoa duen joko bizia egitea. Hala ere, atsedenaldira iritsi aurreko jokaldian Ander azti ibili zen atzelariei bizkarra hartu eta Anaitasunaren aldeko gola egiteko. Bigarren zatian goizo egin zuen bigarren gola taldeak, berriz ere Ander taldeko golegilearen eskutik, baina hogei minuturen faltan bisitariek aldea murriztea lortu zuten zorte handiko jokaldi batean eta ondorioz asko estutu zen neurketa.

Irakurri gehiago

Urteko lehen porrota Irunen

Real Union 4
Anaitasuna CD 1

Lehen zatia amaitu aurretik Real Unionek jokalari bat galdu arren, Anaitasuna ez zen irundarren ate aurrea zulatzeko gai izan bigarren zatian nahiz eta aukera garbi batzuk izan zituen

Markagailuak erakusten duenaren aldean, partida orekatua izan zen. Real Unionek lortu zuen garaipena benetan engainagarria izan zen, Anaitasunaren area ingugura iritsi ziren ia guztietan gola egitea lortu baitzuten. Orain arte gorrixek sufritu ez zuten lerroan, geldikako jokaldietan, asko sufritu zuten gureek eta etxekoek modu horretan bi gol lortu zuten.

Irakurri gehiago

Garaipena Orion Anaitasuna sendo baten eskutik

Getariako KETA 0
Anaitasuna CD 2

Lehen zatian aukera gehiago egin arren, bigarren zatian gehien sufritzen ari zirenean iritsi zen Anaitasunaren lehen gola eta hortik aurrera lan bikaina eginda hiru puntu garrantzitsu batu zituen Anaitasunak Orion

24. jardunaldian atzeratuta gelditu zen partida jokatu zuen atzo Anaitasunak. Ordukoan zelaiaren egoera txarra eta eguraldi kaskarra medio, bi taldeetako ordezkariek partida bertan behera uzteko erabakia hartu zuten. Atzo jokatu zuten neurketa Orion eta taldeak garaipena lortu du Getariako KETA taldearen aurka. Sendotasun handia erakutsi zuen taldeak getariarren aurrean eta bigarren zatian Mikel Arzalluzek lortutako bi golek Gipuzkoako Ohorezko Mailako liderrak izaten jarraitzeko balio izan zuten, orain atzetik den Tolosak baino sei puntu gehiagorekin eta Real Union eta Mutriku baino zortzi gehiagorekin.

Irakurri gehiago

Oiartzungo atezainak Anaitasunaren garaipena ekidin zuen

Anaitasuna CD 0
Oiartzun 0

Gure mutilek aukera asko eduki zituzten partida aurrera ateratzeko, baina oiartzuarren atepeko gizonaren lanak garaipenik gabe utzi zuen Igor Quindosen taldea

Anaitasunak kontrolatutako neurketa izan zen. Lehen zatia ez zen bigarren zatia bezain disdiratsua izan, baina bi zatietan eduki zituen taldeak markagailuan aurrea hartzeko aukerak. Baloiak sartu nahi ez duen egun horietakoa izan zen Oiartzunen aurkakoa. Bigarren zatian aukerak ugaritu egin ziren gureen partetik eta Anaitasunaren aldeko penalti bat ere adierazi gabe amaitu zuen epaileak neurketa.

Irakurri gehiago