Jardunaldien kronikak

Ondo jokatu ez arren, hiru puntu

Zarautz 1
Anaitasuna CD 2

Atsedenaldiaren aurretik Iñigo Arzalluzek egindako golak gorrixei abantaila eman arren, bigarren zatian lan asko egin behar izan zuen taldeak hiru puntuak batu ahal izateko

Asko kostatu zitzaion Igor Quindosen taldeari zelaian kokatu eta partida sartzea. Hori horrela, hogei minutu behar izan zituen taldeak lehen arriskua sortzeko. Aurrez zarauztarrak nagusi izan ziren Astiko berdegunean eta aukera batzuk izan zituzten aurretik jartzeko. Garbiena falta jaurtiketa batean izan zuten etxekoek, baina zorionez jaurtiketan baloiak langan jo zuen. Albiste txarrik ere izan zen. Beñat Landak min hartu zuen belaunean eta zelaia utzi behar izan zuen 15. minutuan. Bere ordez Oier Elorza zelairatu zen.

Irakurri gehiago

Liderrak, Tolosari irabazita

Anaitasuna CD 2
Tolosa 1

Tolosarrak baloiarekin gehiago izan ziren arren, gureek ederki aprobetxatu zituzten lehen zatian edukitako aukerak atsedenaldira bi eta hutseko emaitzarekin joateko

Garaipen garrantzitsua lortu zuen Ohorezko Mailako taldeak pasa den larunbatean Txerloian. Atsedenaldiaren aurretik bi gol egin zituen Igor Quindosek zuzentzen duen taldeak. Baloiarekin Tolosa Anaitasuna baino hobeto moldatu zen, baina gure mutilak zelaian bikain jarrita egon ziren neurketa guztian zehar eta lan horrek traba asko jarri zizkien bisitariei. Neurketa amaitzeko hogei minuturen faltan egin zuen Tolosak bi eta batekoa, eta epaileak Markel kalera bota zuen bigarren txartel horia erakutsiz 80. minutuan.

Irakurri gehiago

Aurrerapausoa eman du Anaitasunak Mutrikuri irabazita

Anaitasuna CD 1
Mutriku 0

Aurrean aurkari zuzena eta gogorra izan zuten Quindosen mutilek, baina Unairen golak Tolosaren aurkako borroka berdinduta utzi zuen hamaika jardunaldiren faltan

Espero bezalako neurketa izan zen pasa den larunbatean Txerloian Mutrikuren aurka jokatutakoa, gogorra eta borrokatua. Aukera gutxiko 90 minutu ikusi ziren Txerloian eta ondoen defendatu zuenak neurketa aurrea atera eta Hirugarren Mailarako borrokan jarraitzeko txartela lortu zuen. Mutriku hasieratik bere zelaian sartu zen, eta kontraerasoren bat baliatzeko asmoa garbi ikusi zen. Pare bat aukera izan zituzten modu horretan, nahiz eta min handiegirik egin ez zuten. Gureek, aldiz, partidaren pisua izan zuten neurketako minuturik gehienetan, baina areatik aurrera egitea garesti jarri zieten mutrikuarrek.

Irakurri gehiago

Bolada onak ez du etenik

Euskalduna 0
Anaitasuna CD 3

Lehen zatia estuagoa izan zen arren, Igor Quindosen taldeak bigarren zatian zazpi minutu nahikoa izan zituen neurketa erabakita uzteko

Urte berria bikain doa Anaitasunarentzat. 2016. urte hasi zenetik taldeak maila ona eman du etxean, baina bereziki etxetik kanpo. Euskaldunaren aurkakoan ere bi taldeen arteko diferentzia garbi gelditu zen bigarren zatian, taldeak erasokorrago jokatu baitzuen lehen zatiarekin alderatuta. Euskalduna sendoago ikusi zen lehen zatian bigarrenean baino, eta gureek abilezia eta kalitatea tarteko zazpi minutu nahikoa izan zituzten bigarren zatian neurketa erabakita uzteko.

Irakurri gehiago

Borrokan jarraitzeko beste hiru puntu

Anaitasuna CD 3
Ordizia 1

Hirurogei minutuz bat gutxiagorekin jokatu arren, taldeak ez zuen arazorik izan Ordizia menperatzeko

Iritsi da hainbeste desiatutako garaipena, aspaldiko partez Anaitasunak hiru puntuak batu baitzituen larunbatean Txerloian. Bolada onean dira gure mutilak, Hernanin eta Lasarten lau puntu batu ostean, Ordiziari ere jokoan zeuden hiru puntuak kentzea lortu baitzuen. Jokoz nagusi izan zen taldea lehen zatian, baina atsedenaldira iritsi aurretik epaileak Oier Beitia kaleratu zuenean gehiago kostatu zitzaion aurrera egitea. Bigarren erdian, irten eta berehala egindako golak arnasa eta patxada gehiagorekin jokatzeko aukera eman zien gure mutilei.

Irakurri gehiago