Anaitasunak berriz ere etxean jokatuko du bi astez jarraian etxetik kanpo bi neurketa zail jokatu eta lau puntu batu ostean. Lau puntu hauek sailkapenean goiko postuetan dauden Hernani eta Ostadarren aurka jokatu ondoren iritsi dira. Orain etxean egokituko zaio taldeari lau puntu hauek ontzen jarraitzea.
Urteko lehen hilabetea joan zaigu dagoeneko eta gure harrobiak Inauteriak direla eta egin beharreko atsedenaren aurreko neurketak jokatu zituzten. Jubenil eta kadete neskek, beste behin beraien neurketak irabaztea lortu zuten, Ohorezko Infantil mutilek Kopari hasiera ona eman diote, eta azkenik Kadeteen 1go mailako mutilek ere puntu ona batu zuten etxean Ordiziaren aurka.
Lasarte-Oriara egin beharko dute bidaia oraingo honetan Ohorezko Mailako mutilek, bertan sailkapeneko laugarren postuan den Ostadarren aurka indarrak neurtuko baitituzte. Neurketa estua izango da biharkoa, baina Anaitasunak azken urteetan Michelinen lortutako emaitza onek ikuspegi positibo batera garamatza.
