Gipuzkoako Ohorezko Mailari dagokion 22. jardunaldiko neurketa Andoainen jokatuko du Anaitasunak. Txerloian jokatutako neurketan goiko postuetan kokatuta zegoen Euskalduna izan zuen aurkari Igor Quindosen taldeak. Hala eta guztiz ere ez zuten gureek Andoaingo taldea menderatzeko arazorik izan, hiru eta huts irabazi hiru puntuak batu baitzituen taldeak.
Anaitasunaren bazkide babeslea den Lau Neumatikoak etxeak eskaintza egingo dio Anaitasunari. Beste hainbat babeslek egin bezala, Lau Neumatikoak etxea izan da oraingoan Anaitasunako kideei eskaintza egin diena.
Pasa den asteburuan Anaitasunako harrobiko talde gehienek atseden hartu zuten. Talde bakar batek izan zuen neurketa, Euskal Ligako Jubenilek hain zuzen. Puntu bat batzetik gertu izan ziren Iker Epelderen mutilak, baina etxekoek penalti bidez egindako golak ezerezean utzi zuen gorrixen desioa.
