| Anaitasuna CD | 1 |
| Zarautz KE | 2 |
Euskal Ligara igoera lortutako urtea ez dute garaipenarekin agurtzerik lortu neskek. Hasi eta segituan Anaitasuna aurretik jarri baldin bazen ere, minutuek aurrera egin ahala behera egin zuen taldearen jokoak, eta Zarautzek bigarren zatian izan zituen aukera apurrak ezin hobeto aprobetxatu zituen Txerloiatik hiru puntuak eramateko.
| Anaitasuna CD | 1 |
| Tolosa C.F. | 2 |
Tolosak lehen zatian eman zuen kolpea, eta Anaitasuna ez zen gai izan bigarren zatian berdinketa lortzeko. Markagailuan aurrea hartzeko aukera pare bat izan zituzten Xabier Artetxeren mutilek, baina Tolosak bi gol egin zituen ordu erdia betetzerako. Bigarren zatira beste erritmo batekin zelairatu ziren mutilak, eta bat eta bikoak esperantzaren bidea ireki zuen Txerloian. Aukera asko ez zituen izan taldeak, eta sailkapena estutu duen porrota jaso zuten mutilek.
| Zarautz KE | 2 |
| Anaitasuna CD | 1 |
Ohorezko Mailako mutilek denboraldiko hirugarren porrota jaso dute Astin. Orain arte etxetik kanpo jokatutako neurketa guztiak irabazita bazen ere, Zarauzko Astin eten da bolada ona. Atearen aurrean kamuts agertu zen taldea, eta 38. eta 63. minutuetan zarauztarrek egindako golei berandu eman zion erantzuna taldeak.
| Leioako Emakumeak | 2 |
| Anaitasuna CD | 1 |
Neskek neurketa ona burutu zuten atzo, osteguna, Leioako Sarriena zelaian. Atsedenaldira hutsean iritsi zen taldea defentsa lan ona eginda, baina bigarren zatian bi hutsegite egin zituzten gorrixek, eta Leioako Emakumeak taldeak bikain baliatu zituen opariak azken lau astetan lortu gabe zen garaipena eskuratzeko.
| Anaitasuna CD | 2 |
| Barakaldo C.F. | 4 |
Enegarrenez, neskek markagailuaren eta aurkariaren aurka jokatu behar izan dute, eta ez dute lortu jarraipenik ematea Pauldarrak taldearen aurka lortutako garaipenari. Neurketan sartzeko joko ona egin arren, hutsek Anaitasuna zigortu dute gaur ere.
