Jardunaldien kronikak

Bederatzirekin aritzearen zigorra

Anaitasuna CD 0
Bergara K.E. 2

Ia bigarren zati osoa bederatzirekin aritu dira mutilak, eta Bergarak Anaitasunaren jokalari gabezia baliatu du Txerloitik hiru puntuak eramateko

Etxeko eta denboraldiko bigarren porrota jaso dute Ohorezko Mailako mutilek, Txerloian. Bergararrek lan handietan jarri dituzte gure mutilak hasieratik, eta asko kostatu zaie gureei euren jokoa egitea. Bigarren zatian bi jokalari gehiagorekin aritu dira bisitariak eta berdeguneko espazioak baliatu dituzte kanpokoek bi gol egiteko. Saiatu diren arren, oso zaila izan dute gureek ezer arriskutsurik egitea.

Irakurri gehiago

Golari eskua emanda

Hondarribia 0
Anaitasuna CD 6

Mutilek golaren bidetik jarraitzen dute eta Hondarribian sei gol eginda lidertza sendotu dute

Aurkarien hutsei etekina atera diete mutilek eta aise irabazi dute Hondarribiako Ondartza zelaian. Lehen zatiaren amaierarako erabakita utzi dute gorrixek partida; Amaikak Bat taldearen aurka Txerloian egin bezala, Ondartzan ere lau gol egin zituzten mutilek atsedenaldiaren aurretik. Eibarren berdinketak eta Tolosaren porrotak lidertza sendotzeko aukera eman diete mutilei.

Irakurri gehiago

Liderra eraitsi dute neskek

Anaitasuna CD 2
Pauldarrak 1

Euskal Ligako neskek liderra menderatu dute bigarren zatian Maider Badiolak eta Irantzu Albizurik egindako golekin

Neurketa gogorra eta intentsitate handikoa jokatu zuten gorrixek sailkapeneko liderraren aurka. Lehen zatian bisitariek izan zuten jokoaren ekimena, baina bigarrenean neskek duten balioa erakutsi dute eta liderra menderatzeko gai izan ziren.

Irakurri gehiago

Burua altxa ezinik

Tolosa 4
Anaitasuna CD 1

Lehen bost minutuetan bi gol jasota, ezinezkoa egin zitzaien neskei Tolosatik ezer ekartzea

Bosgarren minuturako bi eta huts galtzen ziren neskak Tolosako Usabal zelaian. Txapelketako beste talde gogor bat izan zuten aurrean gorrixek, eta joaterako ziren jakitun gauzak oso ondo egin beharrean izango zirela Usabalen punturen bat batu nahi baldin bazuten. Nahiz eta emaitza kaskarra izan, maila ona erakutsi zuten gureek, bereziki bigarren zatian.

Irakurri gehiago

Gol festa Txerloian

Anaitasuna CD 8
Amaikak Bat 3

Zati bakoitzean lau gol eginda, Txerloian urteetan izan den gol festarik handiena egin zuten gorrixek Amaikak Bat taldearen aurka

Xabier Artetxeren mutilek goitik behera menderatu zuten Amaikak Bat taldea, eta denboraldiko hamargarren garaipena lortu zuten. Aurkariaren aulkian eseri zen Igor Quindos Anaitasunako entrenatzaile ohia. Jokatu ziren bi zatietan launa gol egin zituzten gure mutilek. Jokoaren ekimena Anaitasunak izan zuen, eta neurketa uneoro gure mutilek izan zuten kontrolpean. Zaleek gozatu ederra hartu zuten.

Irakurri gehiago