Pasa den asteburuak ere beltzetik gehiago izan zuen zuritik baino. Ohorezko Jubenil mutilek Zestoaren aurka denboraldiko lehen garaipena lortu zuten Txerloian, eta Infantil Txikiko taldeak Zumaian luzapenean lortutako puntua izan ziren harrobiak emandakoen artean aipagarrienak.
Ohorezko Mailako taldeak lagunartekoa jokatuko du bihar goizeko 10:30ean Elgoibarko Mintxeta zelaian. Liga txapelketaren hasiera honetan minutu gutxiagoz gozatu duten jokalarien txanda izango da bihar goizean, Ohorezko Jubenil mutiletako bost jokalarirekin batera.
Gipuzkoako Ohorezko mailako 5. jardunaldian, Anaitasunak Hernaniko Zubipe zelaia bisitatu zuen. Bi eta bat galdu zuten gureek Hernani on baten aurrean.
