Anaitasunak gaur arratsaldeko 17:30etatik aurrera Martutene jasoko du Txerloiako futbol zelaian. Gureek jokatutako hiru neurketak irabazi baldin badituzte, txanponaren beste aurpegia erakusten du Martutenek. Jokatutako hiru partidak galdu dituzte donostiarrek.
Pasa den asteburun gure neska mutilak liga txapelketarekin hasi ziren, eta ez zen asteburu onena izan gureentzat. Sei neurketa jokatu zituzten gureek, eta bost porrot eta berdineketa bakarra lortzeko gai izan ziren. Puntu hori lortzeko gai izan zirenak Ohorezko Jubenil mutilak izan ziren.
Anaitasunako Ohorezko Mailako taldeak hirugarren jardunaldiko neurketa jokatuko du bihar Lasarteko Michelin zelaian. Azken urteetan ondo eman izan zaio Michelin Anaitasunari. Gol sorta ederra eginda, Lasarten hiru puntuak batzea lortu du Anaitasunak azken bi denboraldietan.
