Jardunaldien kronikak

Suspertzeko betarik ez Portugaleten

Portugalete 3
Anaitasuna CD 1

Anaitasunak ezin izan ditu Portugaletek lehen zatian lortutako bi golak irauli, eta porrota jaso du La Florida zelaian

Anaitasuna ez da gai izan Portugaleteko La Florida zelaitik punturik ekartzeko. Goizo jarri zaie gorrixei partida maldan gora, hirugarren minutuan lehen gola, eta ordu laurdena bete denean bigarrena jasota. Halere, gure mutilek gorputzaldi ona erakutsi dute markagailua aurka izan arren, eta Markelek bi eta batekoaren gola egitea lortu du. Atsedenalditik bueltan taldea sendo zelairatu den arren, penalti bidez etxekoek lortu duten hiru eta batekoarekin amaitu zaie gureei partida.

Irakurri gehiago

Kolpe latza azken hatsean

Anaitasuna CD 2
Beasain 2

Gure mutilek bi goleko abantaila izan zuten 83. minutura arte, baina azken minutuetan beasaindarrek puntua batzeko bi gol egin zituzten

Anaitasunak esku-eskura izan zuen garaipena, baina ez zuen lortu. Beasainek azken segundoan egindako gol batek Txerloia izoztuta utzi zuen. Gureek goizo hartu zuten aurrea, neurketa ordubetera iritsi zenean handitu egin zuen abantaila, baina azken minutuetan ez zuen neurketa ixten jakin, eta puntu banaketa behartu zuten beasaindarrek.

Irakurri gehiago

Jipoi handiegia Basaurin

Basconia 3
Anaitasuna CD 0

Lehen zatian partidan sartzeko aukerak izan dituzte gorrixek, baina bigarren zatian goitik behera nagusitu da etxeko taldea

Anaitasunak merezitakoa baino belarrondoko handiagoa jaso du Basauriko Artunduaga zelaian. Laster hartu dute aurrea etxekoek eguneko protagonistaren bitartez. Amorrortu jokalariak hiru gol egin dizkie gaurkoan gure mutilei. Lehen zatian berdinketa lortzeko abaguneak egin dituzte gureek, eta etxekoek ere izan dituzte abantaila handitzeko aukerak. Hiru puntuak bigarren zatian sartutako bi golen bitartez ziurtatu ditu talde bizkaitarrak.

Irakurri gehiago

Borrokan barneratzeko indarra

Anaitasuna CD 1
Aurrera Vitoria 0

Gorrixek garaipen handia eskuratu zuten joan den zapatuan Aurrera Vitoriaren aurka, eta jaitsiera postuetatik irteteko borrokan sartu da bete betean

Gorrixek hiru puntu handi eskuratu zituzten zapatuan Gasteizko Aurrera Vitoria taldearen aurka. Ez zen partida disdiratsua izan, baina jokoa baino gehiago behar zituen taldeak hiru puntuak, eta hori lortzeko moduan izan zen sailkapeneko azkenaren aurka. Kanpoko taldea gogotsu zelairatu zen, baina gureek neurria ondo hartu zieten arabarrei. Atsedenaldira aurretik iritsi ziren mutilak, eta bigarren zatian sufritzea egokitu baizitzaien ere, garaipenak ez zien ihes egin.

Irakurri gehiago

Putzutik irten ezinda

Bermeo 2
Anaitasuna CD 1

Bermeon jasotako porrotaren ostean, aurkari zuzen batek zortzi puntura ihes egin dio taldeari

Anaitasunak eta Bermeok neurketa parekatua jokatu zuten goitik beheraino ureztatuta eta lokaztuta zegoen Itsas-gane zelaian. Bi taldeek ezin izan zuten beraiek nahi zuten jokoa egin, eta ondorioz, espazioetara baloi asko luze jo behar izan zituzten bi taldeek. 15. minutuan egin zuten bat eta hutsekoa etxekoek. Anaitasunarena izan zen jokoaren ekimena hasieratik, eta Iriartek banakoa gertu izan bazuen ere, Bermeok kontraerasoan Anaitasunari min egin zion. Bigarren zatiaren hasieran gorrixek lo eta etxekoak indartsu zelairatu ziren. Bi eta hutsekoa egin zuten bizkaitarrek, baina gehiago egiteko abaguneak ere izan zituzten. Amaierarako ordu laurdenaren faltan, Iriarteren gol dotore batek Anaitasunari bizia eman zion, baina ezin izan zuen etxeko taldea estutu.

Irakurri gehiago