Jardunaldien kronikak

Dinamika txarrari aurre egin ezinik

Anaitasuna CD 1
Zamudio 3

Zamudiok Anaitasunak egindako gol goiztiarra irauli zuen bi kolpe emanda, eta hiru puntuak eraman zituen Txerloiatik

Anaitasuna zurrunbilo beltzean murgildu da. Laugarren aldiz jarraian, esku hutsik amaitu zuen neurketa, eta aurkaria baino futbol hobea egin arren, aurkariei min egiteko gaitasunik gabe jarraitzen du. Zamudiok minutu erabakiorretan egindako bi golek min egin zieten jokalariei, eta inpotentzia puntuarekin amaitu zuten bizkaitarren aurkako partida.

Irakurri gehiago

Hirugarren porrota jarraian

Amurrio 1
Anaitasuna CD 0

Aukera gutxiko neurketa izan da gaurkoa ere, baina gureak ez dira gai izan bigarren zati txukun batean berdinketaren gola lortzeko

Indarrak parean zituztela hasi dute neurketa Amurriok eta Anaitasunak, jokoan zeuden puntuak oso garrantzitsuak baitziren jaitsiera postuetatik aldentzeko. Bi taldeek baloiaren jabetza banatu dute, eta horrela, geldikako jokaldiek garrantzia berezia hartu dute. Horietako batean lortu dute zehazki etxekoek hiru puntuak eman dizkien gola. Bigarren zatian Anaitasuna partidaren bila joan da, baina berdinketa lortzeko beharrezkoa zuten golaukera apurretan ez dute asmatu.

Irakurri gehiago

Esku hutsik lehen aldiz etxean

Anaitasuna CD 0
Sodupe 1

Bisitariek baino joko hobea eginagatik, gorrixek ezin izan zuten garaitu Txerloiatik lehen hiru puntuak eraman dituen taldea

Lehen zatia hotza izan zen Txerloian, aukera gutxikoa. Sodupe apenas iritsi zen Arruti atezaina estuasunetan jartzera, baina 22. minutuan lortutako gola nahikoa izan zen hiru puntuak eskuratzeko. Bigarren erdian Anaitasuna gogotik saiatu zen, aukera ugari egin zuten gureek, baina ezinekoa egin zitzaien ezer lortzea. Etxeko lehen porrota jaso dute gureek, beraz.

Irakurri gehiago

Harrotasun handiz erori da Anaitasuna Garmendipen

Lagun Onak 1
Anaitasuna CD 0

Anaitasunak azpeitiarrek baino joko hobea erakutsi du Garmendipen, baina etxekoen aukera bakarrenetakoan gola lortuta, garaipena Azpeitian gelditu da

Anaitasunak azpeitiarrek baino joko hobea erakutsi dute Garmendipen, baina ez da justiziarik egin Azpeitian. Lehen zatian neurketako kontrola gure mutilena izan da, baina bigarren zatiko lehen hamabost minutu kaskarren ondoren, etxekoek gola lortu eta derbia erabakitzea lortu dute. Golaren ostean esnatu da berriz taldea, eta banako berdinketa egiteko aukerak izan dituen arren, esku hutsik itzuli da alboko herritik.

Irakurri gehiago

Etxeko lehen garaipena, eta arnasa

Anaitasuna CD 2
Portugalete 1

Markel Eskurtzak eta Julen Iriartek egindako golekin, Anaitasunak etxeko lehen garaipena lortu du Portugaleteren aurka

Anaitasunak jada badaki zer den aurten etxean irabaztea. Gorrixek Portugalete ahalguztiduna gainditu dute gaur Txerloian. Neurketa hasi eta segituan egin dute gureek gola estua izan den lehen zatian. Bigarren zatia hasi eta zortzi minutura iritsi da bisitarien gola, baina taldearen erantzuna ona eta azkarra izan da, eta etxeko lehen garaipena lortzeko kolpea eman dute ordu erdiaren faltan. Defentsa eta talde-lan ikaragarri bati esker, emaitzari heldu dio taldeak, eta arnasa sakon eta lasai hartzeko garaipena lortu dute mutilek.

Irakurri gehiago