Garaipenak, berdinketak eta porrotak, kolore eta zapore denetako neurketak izan zituzten pasa den asteburuan harrobiko taldeek. Aipatzekoa Ohorezko Kadete mutien eta Kadeteen 1go mailako mutilek lortutakoa. Ohorezko kadete mutilek denboraldiko lehen garaipena lortu zuten, eta Kadeteen 1go mailako mutilek, berriz, denboraldiko lehen puntua. Goraipatzekoak, baita ere, Jubenil neskak eta Ohorezko kadete nesken azken garaipenak.
Anaitasunak Ohorezko mailako liderraren etxean jokatuko du bihar. Tolosak pasa den asteburuan Touringen aurka lehen neurketa galdu zuen, ordura arte jokatutako neurketa denak irabaziak baitzituen. Gureek, bestalde partidarik galdu gabe dira eta Tolosaren atzetik sendo jarraitzen dute bigarren postuan.
Pasa den asteburuak beltzetik gehiago izan zuen zuritik baino. Jubenil neskek San Juanen garaipen zabala lortu zuten Touring taldearen aurka, eta neskak izan dira asteburuari argitasun pixka bat eman dietenak. Gainerako talde guztiek porrot egin zuten. Goiztiarrenak Infantil neskak izan ziren, etxean Urolaren aurka burua jaitsi behar izan baitzuten. Ohorezo Kadete mutilek eta 1go mailako kadeteek garaipenik ikusi gabe jarraitzen dute oraindik ere eta lagunartekoei so eginez gero, alebinetako hiru taldeek Aretxabaletan lortutako garaipenak azpimarratzeko.
