Anaitasunak gaur arratsaldean Mondragon hartuko du Txerloian, sailkapeneko laugarren postuan dagoen talde igo berria. Azken bi jardunaldietako bi neurketak galduta iritsiko dira arrasatearrak Azkoitira, baina orain arte egindako ibilbideak talde arriskutsua bihurtu du Josu Zubia entrenatzaileak gidatutako taldea.
Azaroaren 12-13ko asteburuan, gureek emaitza kaskarrak izan zituzten. Ohorezko Jubenil mutilek luzapenean jasotako golaren ondorioz, puntu bakar batekin etorri ziren etxera. Gainerakoan, infantil mailan batutako puntuak izan ziren aipagarrienak. Infantil Txikiek Deban bat eta hiru irabazi zuten, eta Infantil neskek bi eta bost Zumarragan. Igo Infantil B taldeak ere azken unean berdinketaren gola lortu zuen San Juanen.
Maialen Arzalluz argazkilariak Anaitasuna 4-0 Hondarribia neurketan egindako argazkiak.
