2019/20 denboraldia bertan behera
COVID-19aren krisialdiaren ostean eta gure taldeen txapelketetan konpetentziak dituzten erakundeak, egoera bitarteko erabakiak hartzeko izaten ari diren zailtasunak ikusita, CD Anaitasunak aurtengo denboraldia amaitutzat ematea erabaki du.
Guztion osasuna edozein gertakariren gainetik dagoela garbi dugunez eta oso zaila litzatekeenez txapelketaren jarraipen egoki bat planteatzea, epeak kontutan izanda txapelketa amaitutzat ematea zentzuzkoena iruditzen zaigu.
Gauzak honela, CD Anaitasuna dagoenekoz hurrengo denboraldira begira jarri da. Hurrengo denboraldira begira hartu beharreko erabakiak hartu eta datorrena gogotsu eta ilusioz jasoko dugu. Inolako zalantzarik izanez gero, zuzendaritzarekin kontaktuan jarri lasai. Indar handiagoz itzuliko gara ziur!