Xuban Badiola
ELKARRIZKETA
Zergatik hasi zinen Anaitasunan jokatzen?
Txikitatik gustatu izan zaidalako futbolean jolastea. Eskolarretan hasi eta ondoren Anaitasunara
Zure familiakoren batek jantzi al du "Kamixeta gorria"? Nork?
Nire anaiak, Joritzek. Gainera, nire talde berdinean dago
Taldean daramatzazun urte hauetan zein izan da gehien markatu zaituen entrenatzailea?
Entrenatzaile asko izan ditut urte hauetan zehar. Zaila da bat aukeratzea, baina bat aukeratu beharko banu, Mikel Arregi "Izpizu" aukeratuko nuke. Entrenatzaile zena, laguna bihurtu baita
Ikusten al duzu zeure burua Anaitasunako gazte talde bat entrenatzen?
Bai. Aurten ere nahi nuen Ander Azpitarte, Ion Elorza eta anaiarekin talde bat hartzea, baina eskola dela eta denborarik ez nuelako ezin izan nuen
Gustatuko al zitzaizun Anaitasunako lehen taldeko entrenatzaile izatea?
Ez
Biharko egunean, futbol jokalari izateaz gain, zertan ikusten duzu burua?
Enpresaren batean lanean. Helburu horrekin ari naiz ingenieritza ikasten
Anaitasunan bizi izan duzun unerik gozoena?
Euskadiko Ligan txapeldun izan ginen urtea. Lorpenaz gain, egunerokotasunean talde-giro bikaina genuen
Eta garratzena?
Ez daukat momentu garratzik Anaitasunan nabilen urte hauetan. Urte bakoitzean pasatutako momentu onekin bakarrik geratzen naiz
Janari edo edari bat?
Txuleta eder bat eta Coca-Cola
Isla batera bakarrik joango bazina zer eramango zenuke zurekin?
Isla batera lagun bat eramango nuke, bion artean irtengo ginateke aurrera
Pelikula bat?
300
Zein motatako musika entzuten duzu?
Ez dut ia musikarik entzuten, larunbat gauetan entzuten dudana soilik. Nire lagun Ander Azpitarte erromantiko jartzen denenan, igande gauetan adibidez, lokalean euskal kantak entzuten ditut
Ondoen eta gaizkien eman izan zaizkizun irakasgaiak?
Matematika, fisika eta euskara ematen zaizkit ondoen. Ingelesa eta gaztelania, aldiz, geizkien
Gola sartzean, ba al duzu ospatzeko modu berezirik?
Zaila ikusten dut nik gola sartzea. Beti esaten diet nire entrenatzaileei penaltiak jaurtiko ditudala baina, ez didate uzten
Maila ez profesionalean inbidia ematen dizun talderik ba al dago? Zein? Zergatik?
Ez. Anaitasunakoa naizen aldetik, ez dut uste beste talderen bati ezer inbidiatzeko dudanik
Harrobiko gazteei zein mezu bidaliko zenieke?
Egunerokotasuna aprobetxatzeko eta gauza guztien gainetik ondo pasatzeko, seriotasuna galdu gabe. Baina ez ahaztu futbola lagun arteko kirol bat dela
Zertan hobetuko zenuke Anaitasuna?
Ez dut uste ezer aldatzeko beharrik dagoenik. Ondo dago dagoen moduan
Inoiz eman dizuten kontsejurik onena?
Gauzak ondo ez doaztenean ez dela burua jaitsi behar, oraindik eta lan gehiago egin behar dela hori aldatzeko
Betetzeko duzun amets bat?
Anaitasunarekin Hirugarren Mailara heltzea
Partida jokatu aurretik ba al duzu mania edo superstiziorik?
Bai. Partidan erabili behar ditudan eskularruekin ez dut beroketa-lanik egiten. Entrenamendukoak erabiltzen ditut beroketan eta ondoren, partidua jokatzeko, aldatu
Zure bertute nagusiena?
Nire buruagatik zein bertute ditudan esatea ez dut uste ondo dagoenik, galdetu nire taldekideei
Zein futbolaritan fijatzen zara zure errendimendua hobetzeko?
Ez naiz inorekin fijatzen nire errendimendua hobetzeko. Eguneroko lana da errendimendua hobetzeko metodorik onena
Jokalari bat aukeratzekotan zein aukeratuko zenuke zure talderako? Zergatik?
Gorka Zubizarreta, lau urte berarekin pasatu ditut eta aipatzekoa dela iruditzen zait. Entrenamendu nahiz partidu guztietan %100 ematen zuen eta bere gogoa transmititzen zion talde guztiari
Anaitasunan jokatzen ikusi duzun jokalaririk onena?
Xabier Artetxe edo Egaña
Zein da taldeko jokalaririk presumidoena?
Aldageletan ikusten dudanarekin, Ander, Iñigo Arzalluz edo Beñat landa, hiruretako edozein
Gehien ligatzen duena?
Ander, Beñat Landa, Iñigo Arzalluz.. baina bat aukeratzekotan, Ander Pastrian. Oso romantikoa dela esan didate
Barre eragilerik onena?
Josu Godoy
Aldagelan giro onena jartzen duena?
Oier Beitia eta Asti. Nahiz eta egun batzuetan ixilik egotea gomendatuko niekeen
Kluba diru egoera larrian egongo balitz, prest egongo al zinateke egutegi moderno bat egiteko? (Erdi biluzik)
Ez dakit. Taldeko gehiengoak egingo lukeena egingo nuke
Aurtengo denboraldira begira, zer eskatuko zenioke Anaitasunako jarraitzaileari?
Konfidantza edukitzeko eta momentu on nahiz txarretan taldeari jarraitzeko.