Mikel Pastrian
ELKARRIZKETA
Zergatik hasi zinen Anaitasunan jokatzen?
Futbola txiki txikitatik gustatzen zait eta herriko taldea Anaitasuna denez, bertan hasi nintzen jokatzen
Zure familiakoren batek jantzi al du "Kamixeta gorria"? Nork?
Osaba batek, anaiak eta lehengusu batzuk ere bai. Gainera, aurten talde berean gaude anaia, Iker lehengusua eta ni
Taldean daramatzazun urte hauetan zein izan da gehien markatu zaituen entrenatzailea?
Mikel Juaristi, "Patxi"
Ikusten al duzu zeure burua Anaitasunako gazte talde bat entrenatzen?
Bai
Gustatuko al zitzaizun Anaitasunako lehen taldeko entrenatzaile izatea?
Bai
Biharko egunean, futbol jokalari izateaz gain, zertan ikusten duzu zeure burua?
Lehen Hezkuntzako irakasle izateko ikasketak bukatzear nago, baina batek daki
Anaitasunan bizi izan duzun unerik gozoena?
Jubenil mailako azkeneko urtean, Euskal Ligan mantentzea lortu genuenean. Azkeneko jardunaldiko azkeneko jokaldian lortu baikenuen
Eta garratzena?
Lesioren bat izan dudanean
Janari edo edari bat?
Makarroiak
Isla batera bakarrik joango bazina zer eramango zenuke zurekin?
Bainujantzia
Pelikula bat?
Gladiator
Zein motatako musika entzuten duzu?
Musika mota asko ditut gustuko, unearen arabera bat edo beste entzuten dut
Ondoen eta gaizkien eman izan zaizkizun irakasgaiak?
Ondoen Gorputz Hezkuntza eta gaizkien Matematika
Gola sartzean, ba al duzu ospatzeko modu berezirik?
Ez
Maila ez profesionalean inbidia ematen dizun talderik ba al dago? Zein? Zergatik?
Ez
Harrobiko gazteei zein mezu bidaliko zenieke?
Lagunekin gozatzeko eta lanean jarraitzeko. Futbolean garrantzitsuena gozatzea eta lagunekin ondo pasatzea da
Zertan hobetuko zenuke Anaitasuna?
Azkeneko urteetan hobekuntza nabaria izan dela argi dago, ez dakit zertan hobetu daitekeen gehiago
Inoiz eman dizuten kontsejurik onena?
Burua ez jaisteko eta lanean jarraitzeko beti
Betetzeko duzun amets bat?
Anaitasunarekin Hirugarren Mailara igotzea
Partidua jokatu aurretik ba al duzu mania edo superstiziorik?
Espinillerak beroketa ondoren, azkeneko unean, janzten ditut beti
Zure bertute nagusiena?
Besteek esan beharko dute hori
Zein futbolaritan fijatzen zara zure errendimendua hobetzeko?
Ez naiz futbolari batekin fijatzen, askorekin baizik
Jokalari bat aukeratzekotan zein aukeratuko zenuke zure talderako? Zergatik?
Ronaldinho. Jokalari ikusgarria eta berezia delako
Anaitasunan jokatzen ikusi duzun jokalaririk onena?
Iñigo Arzalluz
Zein da taldeko jokalaririk presumidoena?
Beñat Landa eta Iraitz Korta
Gehien ligatzen duena?
Zarata asko eta gol gutxi egoten da honen inguruan
Barre eragilerik onena?
Asti eta Tomao
Aldagelan giro onena jartzen duena?
Denon artean jartzen dugu giro ona
Kluba diru egoera larrian egongo balitz, prest egongo al zinateke egutegi moderno bat egiteko? (Erdi biluzik)
Bai
Aurtengo denboraldira begira, zer eskatuko zenioke Anaitasunako jarraitzaileari?
Horrelaxe jarraitzeko Txerloiko harmailak betetzen, asko eskertzen baita