Aitor Zulaika

AitorZulaika

ELKARRIZKETA

 

Zergatik hasi zinen Anaitasunan jokatzen?
Txikitatik kirol desberdinetan aritu izan naiz, baina, alebinetan bat aukeratu beharra neukan eta gehien gustatzen zaitzaidana futbola zenez herriko taldean hasi nintzen

Zure familiakoren batek jantzi al du "Kamixeta gorria"? Nork?
Bai, aitak

Taldean daramatzazun urte hauetan zein izan da gehien markatu zaituen entrenatzailea?
Entrenatzaile guztietatik ikasten da zerbait ezberdina. Bat esatekotan Aitor Iturbe, berarekin izan baitut minutu gehien jokatzeko aukera eta beraz neure buruarekin konfidantza hartzeko aukera ere bai

Ikusten al duzu zeure burua Anaitasunako gazte talde bat entrenatzen?
Aurten dagoeneko hirugarren urtea dut Anaitasunako entrenatzaile moduan.

Gustatuko al zitzaizun Anaitasunako lehen taldeko entrenatzaile izatea?
Etorkizunean balio badut, zergatik ez? Futbol eskolan hasi nintzen entrenatzaile eta bi urteren ondoren infantil txiki mailan nago orain. Urtero maila bat igotzen ari naiz eta gustatuko litzaidake egunen batean lehengo taldera iristea

Biharko egunean, futbol jokalari izateaz gain, zertan ikusten duzu burua?
Kirolari lotuta dagoen zerbaitetan asko gustatuko litzaidake

Anaitasunan bizi izan duzun unerik gozoena?
Jubeniletan Euskadiko Ligara igo ginenekoa edo Hirugarren Mailan lehen aldiz jokatu nuen eguna

Eta garratzena?
Normalean lesioak izaten dira kirolaren momenturik garratzenak. Nahiz eta alde horretatik nahiko zorte izan dudan, lesio bat edo beste izan dut urte hauetan

Janari edo edari bat?
Amaren makarroi platerkada

Isla batera bakarrik joango bazina zer eramango zenuke zurekin (Gauza bat)?
Itsasontzi bat etxera itzuli ahal izateko

Pelikula bat?
El clan de los rompehuesos

Zein motatako musika entzuten duzu?
Nire umorearen arabera musika desberdina. Orokorrean denetik

Ondoen eta gaizkien eman izan zaizkizun irakasgaiak?
Ondoen gorputz hezkuntza eta gaizkien ingelesa

Gola sartzean, ba al duzu ospatzeko modu berezirik?
Momentuan ateratzen zaidana egiten dut, baina, aspaldian ez dut lan handirik izaten horretan

Maila ez profesionalean inbidia ematen dizun talderik ba al dago? Zein? Zergatik?
Ez. Ez ditut beste taldeak barrutik ezagutzen. Anaitasunan dagoen girorik ez da leku askotan izango

Harrobiko gazteei zein mezu bidaliko zenieke?
Lanean jarrai dezatela euren helburuak lortu ahal izateko

Zertan hobetuko zenuke Anaitasuna?
Azken urteetan asko hobetu da eta momentu honetan ez dut hobekuntzarik ikusten

Inoiz eman dizuten kontsejurik onena?
Inoiz ez dela etsi behar, gutxien espero duzunean iristen baitira aukerak.

Betetzeko duzun amets bat?
Hirugarren Mailara igotzea

Partidua jokatu aurretik ba al duzu mania edo superstiziorik?
Bai. Aldagela kanpoan "Txanboie"-ren burua ukitzen dut eta ondoren futbol zelaira beti eskuineko oinarekin sartzen naiz.

Zure bertute nagusiena?
Alboko sake luzeak

Zein futbolaritan fijatzen zara zure errendimendua hobetzeko?
Ez naiz jokalari baten fijatzen den horietakoa. Gehiago gustatzen zait talde osoak egiten duen lanean fijatzea

Jokalari bat aukeratzekotan zein aukeratuko zenuke zure talderako? Zergatik?
Xabi Alonso. Futbol zelai barruan dagoen irakasle bat iruditzen zait

Anaitasunan jokatzen ikusi duzun jokalaririk onena?
Iñigo Arzalluz

Zein da taldeko jokalaririk presumidoena?
Ander Arabaolaza. Bi astetik behin ile apaindegira joaten baita

Gehien ligatzen duena?
Inork ez ditu gertatzen diren gauza guztiak kontatzen eta horrela zaila da jakitea. Txalintxoko kamarero diren Xuban Badiola eta Beñat Landak fama ona omen dute. Hala ere denek nahi baino gutxiago ligatuko dute

Barre eragilerik onena?
Asti. Hala ere, Azpeititik iritsi den azkenak (Xela) konpetentzia egiten dio

Aldagelan giro onena jartzen duena?
Orokorrean taldean dagoen giroa nabarmenduko nuke

Kluba diru egoera larrian egongo balitz, prest egongo al zinateke egutegi moderno bat egiteko? (Erdi biluzik)
Bai

Aurtengo denboraldira begira, zer eskatuko zenioke Anaitasunako jarraitzaileari?
Denboraldia ondo hasi ez bazen ere, emaitzak hobetzen joan dira eta hori jarraitzaileen laguntzarik gabe ezingo genuke lortu. Beraz, orain arte bezala jarraitu dezatela Txerloiko harmailak betetzen, euren laguntzarekin etxeko partiduak aurrera ateratzea errazago izaten baita